Янгиликлар
ANDIJON SHAHAR “YOYILMA” MAHALLA FUQAROLAR YIG‘INIDA SAYYOR QABUL TASHKIL ETILDI.
Xozirda, inson manfaatlarini taʼminlash uchun avvalo, odamlar bilan, xalq bilan muloqot qilish, ularning dardu tashvishlari, orzu-niyatlari, hayotiy muammo va ehtiyojlarini yaxshi bilish kerakligiga alohida urg‘u berilmoqda. Shu kabi qabullarning navbatdagisi Andijon shahar “Yoyilma” MFY hududida o‘tkazildi.
Xususan, Andijon shahar adliya bo‘limining 2022-yil 1-yarim yilligi uchun mo‘ljallangan mahalla fuqarolari yig‘inlarida fuqarolarning huquq va erkinliklari hamda qonuniy manfaatlarini himoya qilish yuzasidan o‘tkaziladigan sayyor qabullar rejasiga asosan, joriy yilning 11-fevral kuni Andijon shahridagi “Yoyilma” mahalla fuqarolari yig‘inida yashovchi aholi bilan sayyor qabul o‘tkazildi.
Sayyor qabulda ishtirok etgan 17 nafardan ortiq fuqarolarning muammolari va ularni qiynab kelayotgan masalalari tinglanib, shundan 8 nafar fuqaroning murojaatlari tegishli tartibda rasmiylashtirilib, ijroga qabul qilindi. Qolgan 9 nafar fuqarolarning savollariga joyida huquqiy tushuntirishlar berildi.
Masalan, Andijon shahri, 1-Kichik dahasi 29/18-uyda yashovchi fuqaro Sadirova Gulbahor ijtimoiy-himoyaga muhtoj oilalarga imtiyozli uy-joy olish tartibi to‘g‘risidagi og'zaki murojaatiga O‘zbekiston Respublikasi Vazirlar Mahkamasining 2018-yil 13-apreldagi “Og‘ir ijtimoiy vaziyatga tushib qolgan xotin-qizlarga, nogironligi bo‘lgan, kam ta’minlangan, farzandlarini to‘liqsiz oilada tarbiyalayotgan va uy-joy sharoitini yaxshilashga muhtoj onalarga arzon uy-joylar berish tartibi to‘g‘risidagi nizomni tasdiqlash haqida”gi 285-son qarori hamda boshqa normativ hujjatlar yuzasidan tushuntirishlar berildi.
Shuningdek, qabul davomida ushbu mahallada "Ayollar daftari"ga kiritilgan xotin-qizlar bilan suxbatlashilib, ularga huquqiy masalalarda yordam ko‘rsatildi. “Mahallabay” ishlash tizimini sifatli va samarali tashkil qilish; odamlarni qiynayotgan muammolarni bartaraf etish; oilaviy nizolarning oldini olish, bu borada keksalarning ijtimoiy faolligini oshirish kabi masalalar yuzasidan atroflicha tushunchalar berildi.
