Янгиликлар

Andijon viloyat adliya boshqarmasida yoshlar uchun "Ochiq eshiklar" kuni tashkil etildi.

Joriy yilning 18-may kuni Andijon yuridik texnikumi talabalari adliya organlari faoliyati bilan yaqindan tanishish maqsadida adliya muassasalariga tashriflari amalga oshirildi.

Andijon yuridik texnikumi talabalarining tashriflari davomida O‘zbekiston Respublikasi Prezidentining “Fuqarolarning huquq va erkinliklarini ta’minlash hamda huquqiy xizmat ko‘rsatishda adliya organlari va muassasalari faoliyati samaradorligini yanada oshirish chora-tadbirlari to‘g‘risida”gi PF-89-son Farmoni bilan tashkil etilgan yangi bo‘limlar faoliyati hamda aholining huquqiy madaniyatini oshirish, fuqarolarga malakali yuridik yordam ko‘rsatish borasidagi ishlar bilan yaqindan tanishtirib o‘tildi.

Shuningdek, jismoniy va yuridik shaxslar murojaatlari bilan ishlash, normativ-huquqiy hujjat loyihasini ekspertizadan o‘tkazish, kelib tushgan hujjatlarni kirim qilish va nodavlat notijorat tashkilotlarini ro‘yxatdan o‘tkazish tartiblari hamda "av.ijro.uz", "E-huquqshunos" kabi elektron tizimlari to'grisida ma'lumotlar berildi. Yuridik texnikum talabalari o‘zlarini qiziqtirgan savollariga boshqarma xodimlaridan atroflicha javob oldilar.